Müğənni Xatun Əliyeva bir müddət əvvəl vəfat edən stilist qardaşı Balaşla bağlı paylaşım edib.
Axşam.az xəbər verir ki, sənətçi qardaşının ad günü olduğunu bildirib. Xatun Balaşın məzarı başından fotolar yayımlayaraq, bunları yazıb:
"42-ci ad günün, bilirsən? Sən gedəndən yolumu itirmişəm. Gözümdən yaş götürüb sənin doğum gününə hədiyyə gətirmişəm. Ruhun doğum günündə niyə bizə yanaşmır? Mən səni məzarlıqda hiss edə bilmirəm. Sənə hər şey yaraşır, daşdan baxmaq yaraşmır. Mövludun mübarək, nakam balaşım".
Qeyd edək ki, Balaş beyin xərçəngindən dünyasını dəyişib. Onun iki övladı var.
