Preidentr Tamp Linda Makmahonu ABŞ-ın yeni təhsil naziri təyin edib. O, əvvəlki dövründə Donald Trampın administrasiyasında artıq işləyib.
AzPost bildirir ki, onun tərcümeyi-halı ilə bağlı ən maraqlı fakt odur ki, o, World Wrestling Entertainment (WWE) şirkətinin rəhbəri olub və özü də qaydasız döyüş formtında yarışlarında iştirak edib.
CNN-in məlumatına görə, 76 yaşlı milyarder iş qadını ABŞ Senatı tərəfindən 51 səslə bu vəzifəyə təsdiq edilib. 41 nəfər əleyhinə səs verib. Tənqidçilər McMahon-un təhsil sahəsində məhdud təcrübəsinə işarə edərək onun etimadnaməsini şübhə altına alıblar.
O, Konnektikut Ştat Təhsil Şurasında cəmi bir il xidmət edibi və “Müqəddəs Ürək” Katolik Universitetinin qəyyumu olub.
Bununla belə, Trump Təhsil Departamentini ləğv etmək, onun funksiyalarını digər qurumlara ötürmək planlarını açıqlayıb.
McMahon Respublikaçılar Partiyasının əhəmiyyətli donorudur. 2021-ci ildə qurulan Tramp tərəfdarı olan Amerika Birinci Siyasət İnstitutunun idarə heyətinə sədrlik edir. O, həmçinin ABŞ-ın hazırkı prezidentinin ilk dövründə Kiçik Biznes Administrasiyasının administratoru vəzifəsində çalışıb və onun kampaniya heyətində işləyib.
Ona görə də Lindanın Trampın andiçməsindən sonra yaxşı vəzifə alması heç də təəccüblü olmayıb. O, uzun illər Trampın sadiq müttəfiqi olub, əri Vins isə dövlət başçısı ilə köhnə dostdur.
