Psixoloq: "Bizim əksər xanımlara psixoloji seans yox, tamaşa lazımdır"

"Bu qadın sadəcə bacarıqlı manipulyatordur. İnsanlara tamaşa lazımdır. Həmin xanım da psixologiyada nədirsə onun adını qoyub tamaşa təşkil edir. Bu tamaşanın ad toplu hipnoterapiya seansı, meditasiya seansı ola bilər. Psixologiyada buna oxşayan bir çox psixoloji seanslar var, amma bunun adı nədir bilmirəm".

Bu sözləri Demokrat.az-a açıqlamasında psixoloq Ramil Nəcəfli deyib.



Psixoloq bildirib ki, öz aləmlərində relaxsasiya seansı, kilsədə günahlardan arinma ayını kimi bir şey təşkil ediblər:

“Xarici təcrübədə xərçəng xəstələri üçün kütləvi seanslar görmüşəm. Həmin seansların xəstələrə böyük köməyi olurdu. 
Psixologiyada belə şeylər çox olsa da, bizimki elə bir şey deyil". 

Onun sözlərinə görə, bizim əksər qadınlar tamaşaya maraq edirlər:

"Onlar dünyaca məşhur kütləvi psixoterapiya seanslarini,nəfəs terapiya, meditasiya seanslarını bəyənmirlər. Heç yerdə olmayan şeylər istəyirlər. Həmin o, "psixoloq" xanım da buna uyğun tamaşa təşkil edir. 

Ümumiyyətlə, buna ixtiyarı çatır. Hansı seansı necə formada istəsə təşkil edə bilər. Çünki iradlara qarşı əminəm kı, bir cavab fikirləşib".

Qeyd edək ki, özünü uzman koç kimi təqdim edən "azer.1na" adlı instagram fenomeni Bakıda toplu psixoloji seans təşkil edib. Seans zamanı ağlamaqdan yerə yıxılanların videosu sosial şəbəkələrdə tənqid obyektinə çevrilib. 


Əfsanə Kamal
Demokrat.az