“Azərbaycanda hələ də istirahət mədəniyyəti formalaşmayıb” — Partiya sədri

SOSİAL 08 may 2022, 10:01
“İlk olaraq məni düşündürən bir məsələ var. 9 May tarixi istirahət günü olmalıdırmı? Mən güman edirəm ki, yox. Bir şeyi nəzərə alaq ki, dünyada orta statistik bayram sayı 12,3-12,4-dür. Yəni, inkişaf etmiş dünya ölkələri bu qədər bayram edirlər”. 

Bu sözləri Demokrat.az-a açıqlamasında Azərbaycan Naminə Alyans Partiyasının sədri Abutalıb Səmədov deyib. 

“Azərbaycanda isə 20 gün bayram, 1 gün isə hüzn günüdür. Bu qədər qeyri-iş günləri şübhəsiz ki, Azərbaycan iqtisadiyyatına böyük zərbə vurur. Hesab edirəm ki, bayram günləri nizama salınmalıdır. Ümumiyyətlə, Azərbaycan bayram saylarına görə dünyada ikinci yerdədir, birinci yerdə isı Şri-Lankadır ki, orada 24 gün bayram edirlər” - deyə partiya sədri vurğulayıb.

A.Səmədovun fikrincə, Azərbaycanda hələ də istirahət mədəniyyəti formalaşmayıb: 

“Bu gün ölkəmizdə əhalimizin maddi vəziyyətinə uyğun turizm obyektləri formalaşmayıb, yəni Azərbaycanda turizm obyektlərinin böyük hissəsi imkanlı adamlara hesablanıb. Qiymətlər isə həddindən artıq yuxarıdır. Bu da ona gətirib çıxarır ki, 4-5 gün bizdə bayram olanda insanlar evlərindən çölə çıxmırlar. Gözləyirlər ki, bayram keçsin, yenidən işə qayıtsınlar. Ona görə də, biz ilk olaraq mütləq bu məsələni düşünməliyik”. 

Aynurə Pənahqızı
Demokrat.az



 

DİGƏR XƏBƏRLƏR

XƏBƏR LENTİ
Top