Bakı Şəhər İcra Hakimiyyətinin (BŞİH) binasının köçürülməsilə bağlı məlumatlar dolaşmaqdadır.
İcra Hakimiyyətindəki mənbənin verdiyi məlumata görə, bir müddət sonra Meriyanın Bakı şəhəri, İstiqlaliyyət küçəsi 18-də (“İçərişəhər” metrostansiyasının yaxınlığında) yerləşən binasının köçürüləcəyi gündəmdədir. Hətta Meriyanın yeni binasının yeri də artıq müəyyənləşib. Bunun üçün ən münasib yer olaraq “Qış parkı”nın yaxınlığı seçilib.
Demokrat.Az-ın məlumatına görə, Bakı Şəhər İcra Hakimiyyəti başçısının səlahiyyətlərini icra edən Eldar Əzizov məsələ ilə bağlı Modern.az-ın sualını cavablandırıb.
O bildirib ki, Meriyanın köçürülməsilə bağlı məlumatı yeni eşidir:
“Bu barədə ilk sizdən eşidirəm. Amma istənilən halda çox maraqlı məlumatdır. Dəyərləndirmək olar”.