Türkiyənin Xarici İşlər naziri Mövlud Çavuşoğlu Dağlıq Qarabağ münaqişəsinin həlli yolundan danışıb.
Demokrat.az-ın Oxu.Az-a istinadən xəbərinə görə, nazir İstanbul VI Vasitəçilik Konfransında deyib ki, münaqişə beynəlxalq təşkilatların müvafiq qərarları çərçivəsində həll olunmalıdır.
“Biz Dağlıq Qarabağ problemi və Azərbaycanın işğal edilmiş torpaqları məsələsinin diplomatik yolla, BMT Təhlükəsizlik Şurasının və Avropa Şurasının müvafiq qərarları çərçivəsində həllinin tərəfdarıyıq. Biz həll üçün bu il də daha çox səy göstərəcəyik”, - deyə M.Çavuşoğlu əlavə edib.
