"Azərbaycan beynəlxalq sülhün möhkəmlənməsinə mühüm töhfə verən bir ölkədir. Bu baxımdan Azərbaycanın Qoşulmama Hərəkatına sədrliyi təşkilatın möhkəmlənməsinə və beynəlxalq aləmdə rolunun artmasına səbəb olacaq".
Trend-in məlumatına görə, bunu bu gün Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə debat müzakirələrində GUAM-ın baş katibi Altay Əfəndiyev bildirib.
O qeyd edib ki, GUAM ölkələri ərazisində münaqişələr öləkələrin ərazi bütövlüyü çərçivəsində və beynəlxalq qanunlara uyğun həllini tapmalıdır. Baş katib bildirib ki, sülh olmadan dayanıqlı inkişaf, dayanıqlı inkişaf olmadan sülh olmaz:
“Bu baxımdan dayanıqlı inkişaf və sülhü təmin etmək üçün birgə səylər göstərilməlidir”.
