“Anam yataq xəstəsidir. İndi məni izləyə də bilmir”.
Demokrat.az xəbər verir ki, bu sözləri Xalq artisti Könül Xasıyeva “ATV” telekanalında yayımlanan “Nanəli” musiqili-əyləncəli proqramında qonaq olarkən anasından söz açarkən deyib.
Ağır xəstəlikdən əziyyət çəkən sənətkar müalicələrini Şəkidəki ata evində davam etdiyini bildirib:
“Meolit sağalan xəstəlik deyil. Ayağımı topuğa qədər hiss etmirəm. Xəstəlik dizimə qədər gəlsə, əl arabasında gəzəcəm. Bundan dəhşətli dərəcədə qorxuram. Çünki bir dəfə bunu yaşamışam. İndi qayıdıb müalicəmi rayonda davam etdirəcəm. Oğlum Kazımın 12 yaşı var. Ona hələ heç nə edə bilməmişəm”.
Qeyd edək ki, sevilən sənətkar onurğa iflicindən əziyyət çəkir.(oxu.az)
