Ölkə ərazisində müşahidə olunan yağıntılı hava şəraiti oktyabrın 24-ü və 25-də də davam edəcək.
Milli Hidrometeorologiya Xidməti xəbərdarlıq edir ki, ayrı-ayrı bölgələrdə leysan yağacaq, şimşək çaxacaq, dolu düşəcək. Yüksək dağlıq ərazilərdə qar yağacağı gözlənilir. Yağıntılar səbəbindən çaylarda sululuq artacaq. Böyük Qafqaz və Lənkəran-Astara bölgəsinin bəzi çaylarından qısamüddətli sel və daşqın keçəcəyi ehtimal olunur.
Beləliklə, sinoptiklər havanın kəskin pisləşəcəyi iki gün ərzində sel və daşqın təhlükəsinə qarşı diqqətli olmağı tövsiyə edirlər.
