Ölkə ərazisində oktyabrın 13-nə gözlənilən hava proqnozu açıqlanıb.
Milli Hidrometeorologiya Xidmətinin məlumatına görə, Paytaxtda və Abşeron yarımadasında hava dəyişkən buludlu keçəcək. Gündüz bəzi şəhərətrafı ərazilərdə qısamüddətli çiləmə ehtimal olunur. Mülayim cənub-şərq küləyi əsəcək. Havanın hərarəti gündüz 26 dərəcəyədək yüksələcək.
Bölgələrdə isə hava əsasən yağmursuz olsa da, bəzi şərq rayonlarında və axşama doğru ayrı-ayrı yerlərdə leysan yağacağı, şimşək çaxacağı və dolu düşəcəyi proqnozlaşdırılır. Bəzi ərazilərdə şərq küləyi vaxtaşırı güclənəcək. Aran rayonlarında temperatur gündüz 27 dərəcəyədək artacaq, dağlarda isə 13-18 dərəcə isti təşkil edəcək.
Beləliklə, ölkə üzrə mülayim hava şəraiti fonunda bəzi rayonlarda lokal leysan və güclü külək gözlənilir.
