Futbol üzrə Litva millisinin baş məşqçisi Edqaras Yankauskas vəzifəsini tərk edib.
Demokrat.az Oxu.Az-a istinadən xəbər verir ki, bu barədə Litva Futbol Federasiyası (LFF) məlumat yayıb.
51 yaşlı mütəxəssislə müqavilə qarşılıqlı razılıq əsasında ləğv olunub. Qərar federasiya rəhbərliyi ilə Yankauskas arasında keçirilən görüşdən sonra qəbul edilib.
Yankauskasın rəhbərliyi altında Litva millisi son oyununu Bakıda Azərbaycan yığmasına qarşı keçirib. UEFA Millətlər Liqasının D Liqasının II qrupunun qarşılaşmasında komandamız 1:0 hesablı qələbə qazanıb.
Qeyd edək ki, Yankauskas 2023-cü ilin yanvarından Litva millisinə rəhbərlik edirdi.
