Türkiyənin məşhur gənclik serialı **“Hayat Bilgisi”**nin yaddaşlarda “Beton Ayşe” kimi qalan personajını canlandıranHayfa Safi Tulunillər sonra gündəmə gəlib.
Serialda sərt xarakteri, maskulin görünüşü və kərpicləri bir zərbə ilə qırması ilə tamaşaçıların yaddaşında qalan aktrisa uzun müddətdir ekranlardan uzaq yaşayır.
Bir vaxtlar milyonlarla insanın izlədiyi “Hayat Bilgisi” serialında Beton Ayşe obrazı ilə böyük şöhrət qazanan Hayfa Safi Tulun aktyorluq karyerasını tədricən ikinci plana keçirib.
Məlumata görə, aktrisa İstanbulun Çatalca rayonunda məskunlaşıb və burada təbiətlə iç-içə, sakit həyat sürür. Heyvanlar üçün yeni karyera
Hayfa Safi Tulun aktyorluqdan uzaqlaşdıqdan sonra fəaliyyət istiqamətini tamamilə dəyişib. O, film, serial və reklam çəkilişlərində iştirak edən heyvanların seçilməsi üçünheyvan kastinq agentliyiyaradıb.
Tulun çəkilişlərdə iştirak edən heyvanların yalnız kamera qarşısındakı fəaliyyətinə deyil, onların təhlükəsizliyinə və rifahına da xüsusi diqqət yetirir.
Beləliklə, illər əvvəl kamera qarşısında “Beton Ayşe” obrazı ilə tanınan aktrisa bu gün kamera arxasında heyvan aktyorların hüquq və təhlükəsizliyi ilə məşğul olur.
Ailə həyatı da qurub
Şəxsi həyatını mediadan uzaq tutmağa çalışan Hayfa Safi TulunYasin Tulunilə ailə qurub və ana olub.
Keçmiş aktrisa zaman-zaman sosial media hesabında həyatından görüntülər paylaşır. İllər ərzində görünüşündə müəyyən dəyişikliklər olsa da, onun özünəməxsus siması və təbəssümü pərəstişkarlarına “Beton Ayşe”ni dərhal xatırladır.
Bir vaxtlar məktəb dəhlizlərində sərt xarakteri ilə hamıya meydan oxuyan Beton Ayşe obrazının arxasındakı Hayfa Safi Tulun bu gün həyatını heyvanların təhlükəsizliyi və rifahına həsr edib.
Onun aktyorluqdan heyvan kastinqi sahəsinə keçidi isə illər sonra aktrisanı yenidən xatırlayan pərəstişkarları üçün gözlənilməz olub.
Leyla Demokrat.az
