İnstaqramın ödənişli abunə sistemi Türkiyədə məşhurlar arasında getdikcə daha populyarlaşır. İzləyicilərinə xüsusi məzmun təqdim edən tanınmış simalar bu funksiyadan əlavə gəlir mənbəyi kimi istifadə edirlər.
Abunə olan istifadəçilər yalnız onlar üçün paylaşılmış "hekayələrə", canlı yayımlara, videolara və sual-cavab sessiyalarına çıxış əldə edir. Abunə haqqını isə hər hesab sahibi özü müəyyənləşdirir.
Mediada yayılan məlumatlara görə, bu sistemi aktiv istifadə edən məşhurlar arasında Gülben Ergen, Şeyma Subaşı, Merve Boluğur, Ece Erken, Melek Mosso və Hande Erçel yer alır.
Abunə sayı və aylıq gəlirləri belə göstərilir:
* Gülben Ergen – aylıq abunə haqqı 79,99 TL, 5 981 abunəçi, təxminən 478 420 TL gəlir. * Ece Erken – aylıq 79,99 TL, 3 732 abunəçi, 298 522 TL gəlir. * Melek Mosso – aylıq 39,99 TL, 2 880 abunəçi, 115 170 TL gəlir. * Hande Erçel – aylıq 79,99 TL, 991 abunəçi, 79 270 TL gəlir. * Şeyma Subaşı – aylıq 399,99 TL, 166 abunəçi, 66 398 TL gəlir. * Merve Boluğur – aylıq 59,99 TL, 966 abunəçi, 57 950 TL gəlir.
Qeyd edək ki, göstərilən məbləğlər abunə haqqı ilə abunəçi sayının hesablanması əsasında formalaşdırılıb. Bu rəqəmlərə platforma komissiyaları, vergi ödənişləri və digər mümkün tutulmalar daxil olmaya bilər.
Jalə Demokrat.az
