Evdə hər gün istifadə etdiyimiz bəzi əşyalar müntəzəm təmizlənmədikdə bakteriya, virus və göbələklər üçün əlverişli mühitə çevrilə bilər.
Evin təmiz görünməsi həmişə tam gigiyenik olduğu anlamına gəlmir. Araşdırmalar göstərir ki, gün ərzində dəfələrlə toxunduğumuz bəzi əşyaların üzərində çoxlu sayda mikroorqanizm toplana bilər.
Xüsusilə nəm qalan səthlər, tez-tez istifadə edilən əşyalar və vaxtında dezinfeksiya olunmayan yerlər bakteriyaların çoxalması üçün uyğun şərait yaradır.
1. Mətbəx süngəri
Mətbəx süngərləri nəmliyi və qida qalıqlarını saxlaması səbəbindən ən çox mikrob toplayan əşyalar sırasında göstərilir. Uzun müddət dəyişdirilməyən süngərlərdə zərərli bakteriyalara rast gəlmək mümkündür.
2. Doğrama taxtası
Çiy ət, toyuq və tərəvəzlərin eyni taxtada hazırlanması çarpaz çirklənmə riskini artırır. Cızıqlı və köhnəlmiş doğrama taxtalarında mikroorqanizmlər daha uzun müddət qala bilər.
3. Diş fırçası
Hamamın nəm mühiti və sifon zamanı havaya yayılan xırda damcılar diş fırçasının çirklənməsinə səbəb ola bilər. Mütəxəssislər diş fırçasının düzgün saxlanmasını və müəyyən müddətdən bir dəyişdirilməsini tövsiyə edir.
4. Mobil telefon
Gün ərzində müxtəlif səthlərə toxunan mobil telefon şəxsi əşyalar arasında ən çox istifadə edilənlərdəndir. Telefon ekranının müntəzəm təmizlənməməsi üzərində mikroorqanizmlərin toplanmasına səbəb ola bilər.
5. Televizor pultu
Bir neçə nəfərin istifadə etdiyi pultlar əllər vasitəsilə mikrobların asan yayıldığı səthlərdən biridir. Xüsusilə xəstəlik zamanı onların təmizlənməsinə diqqət yetirmək lazımdır.
6. Qapı dəstəkləri və açarlar
Evdə ən çox toxunulan yerlərdən olan qapı dəstəkləri və açarlar bakteriya və virusların yayılmasında rol oynaya bilər.
7. Lavabo kranları
Çirkli əllərlə açılıb bağlanan kranlarda mikroorqanizmlər toplana bilər. Buna görə kran başlıqlarının da müntəzəm təmizlənməsi vacibdir.
8. Qab-qacaq bezləri
Nəm qalan bezlər bakteriyaların çoxalması üçün əlverişli şərait yaradır. Onların tez-tez yuyulması və tam qurudulması gigiyenanın qorunmasına kömək edir.
9. Yastıq üzü
Tər, dəri yağı, ölü dəri hüceyrələri və toz gənələri zamanla yastıq üzündə toplana bilər. Buna görə yataq dəstlərinin müntəzəm yuyulması tövsiyə olunur.
10. Zibil qutusunun qapağı
Zibil qutularının xüsusilə qapaq və tutacaq hissələri çoxsaylı mikroorqanizmlərin toplana bildiyi yerlərdən biridir. Daimi yuma və dezinfeksiya pis qoxuların və mikrob yaranmasının qarşısını almağa kömək edir.
Mütəxəssislər bildirirlər ki, sadə gigiyena qaydalarına əməl etməklə evdə mikrobların yayılma riskini azaltmaq mümkündür. Tez-tez toxunulan səthlərin təmizlənməsi, nəm əşyaların qurudulması və mətbəxdə düzgün gigiyena vərdişləri sağlamlıq üçün mühüm əhəmiyyət daşıyır.
Leyla Demokrat.az
