Problemlər qarşısında geri çəkilməyən, çətin anlarda nəzarəti ələ alan və hər şeyi yoluna qoymağa çalışan insanların hansı bürclərə aid olduğu açıqlanıb.
Bəzi bürclər “Kimsə edər” deməkdənsə, “Mən həll edərəm” ifadəsini daha çox istifadə edir. Onlar məsuliyyətdən qaçmır, işləri sona qədər izləyir və bəzən ətrafındakı insanların yükünü də üzərlərinə götürürlər.
Qoç
Qoç bürcü sürətli qərarları və hərəkətə keçmək istəyi ilə seçilir. Problemlə qarşılaşdıqda uzun müzakirələr aparmaq əvəzinə, dərhal həll yolu axtarmağa başlayır. Çətin vəziyyətlərdə təşəbbüsü öz üzərinə götürməsi ilə tanınır. Bəzən isə hər şeyi özü etməyə çalışdığı üçün daha çox yorula bilər. “Mən etsəm, daha tez başa çatar” düşüncəsi onun əsas xüsusiyyətlərindən biri kimi göstərilir.
Buğa
Sakit və təmkinli davranışı ilə seçilən Buğa bürcü böhran anlarında etibarlı insan kimi təqdim olunur. O, əvvəlcə vəziyyəti analiz edir, daha sonra addım-addım həll yoluna yönəlir.
Verdiyi sözə sadiq qalması ilə tanınan Buğa, bir işi üzərinə götürübsə, onu yarımçıq qoymamağa çalışır. Buna görə də “mən həll edərəm” deyən bürclər sırasında göstərilir.
Qız
Detallara diqqəti ilə seçilən Qız bürcü, ətrafındakı problemləri tez fərq edən şəxslərdən biri kimi təsvir olunur. Planlardakı çatışmazlıqları, səhvləri və unudulan məqamları görərək onları düzəltməyə çalışır. Astroloji yozumlara görə, Qız bürcü işlərin yarımçıq qalmasını sevmədiyi üçün tez-tez məsuliyyəti öz üzərinə götürür və başladığı işi sona çatdırmağa çalışır.
Oğlaq
Oğlaq bürcü məsuliyyətli və məqsədyönlü xarakteri ilə tanınır. Digərləri geri çəkildikdə, görülməli işlərin tamamlanması üçün önə çıxan bürclərdən biri hesab edilir.
Sakit şəkildə üzərinə düşəni edən Oğlaq, ailə, iş və dost çevrəsində güvənilən insan kimi xarakterizə olunur. Lakin bəzən hər kəsə kömək etməyə çalışarkən öz ehtiyaclarını arxa plana ata bilər.
Demokrat.az
