Mətbəxdə hər qadının başına gələ biləcək ən xoşagəlməz hallardan biri yeməyə ehtiyatsızlıqdan həddindən artıq duz tökülməsidir. Böyük zəhmətlə hazırladığınız şorba və ya sous bir anın içində dadsız hala gələ bilər. Lakin yeməyi atmağa tələsməyin, çünki həlli çox sadədir.
Duzun qənimi: Çiy kartof
Nəsillərdən bəri ötürülən ən etibarlı üsul çiy kartofdan istifadə etməkdir. Bu metod xüsusilə şorbalar, sulu yeməklər və zeytun yağlı təamlar üçün ideal hesab olunur.
Orta ölçülü kartofu yuyub qabığını soyun. Sonra onu iri hissələrə bölün (xırda doğramayın ki, yeməyin içində dağılmasın).
Kartof dilimlərini qaynayan yeməyin içinə atın. Kartoflar bişdikcə mayedəki artıq duzu süngər kimi özünə çəkəcək.
Təxminən 10-15 dəqiqə sonra kartoflar bir qədər yumşalmağa başlayanda onları yeməkdən çıxarın. Beləliklə, yeməyin dadı dərhal balanslaşacaq.
Evdə kartof yoxdursa, nə etməli?
Əgər mətbəxdə kartof yoxdursa və ya hazırladığınız yeməyin növü buna imkan vermirsə, digər səmərəli yollardan yararlana bilərsiniz:
Çörək içi: Qatı şorbalar, souslar və ya qovurmalar üçün çörək içi əla alternativdir. Bir tikə çörək içini yeməyə atın, o, duzu qısa müddətdə hopduracaq. Çörək istidən əriyib dağılmazdan əvvəl onu qaşıqla götürməyi unutmayın.
Yumurta ağı: Şəffaf şorbaların və ya bulyonların görüntüsünü bozmadan duzunu azaltmaq üçün yumurta ağından istifadə edə bilərsiniz. Yumurta ağını qaynayan şorbaya yavaşca əlavə edin; o, bərkidikcə artıq duzu özünə həbs edəcək. Tam bişdikdən sonra yumurta ağını süzgəclə asanlıqla kənarlaşdırın.
Mətbəxdə düzəlməyən səhv yoxdur. Kiçik toxunuşlarla ən sevdiyiniz təamın ləzzətini geri qaytara bilərsiniz.
Aytən Demokrat.az
