Bərdədə iki mağazaya basqın edən şəxslər ödəmə terminallarını hədəf alıblar. Daxili İşlər Nazirliyinin regional qrupundan verilən məlumata görə, həmin şəxslər ümumilikdə 40 min manat məbləğində vəsaiti ələ keçiriblər.
Polis əməkdaşlarının keçirdiyi əməliyyat nəticəsində oğurluqda şübhəli bilinən Elşad Əlizadə və Ayxan Quliyev saxlanılıblar. Cinayət anı mağazadakı təhlükəsizlik kameraları tərəfindən anbaan qeydə alınıb. Görüntülərdə terminallardan birinin oğurlanma prosesi aydın şəkildə əks olunub.
Faktla bağlı cinayət işi açılıb və hər iki şəxs barəsində məhkəmə qərarı ilə həbs qətimkan tədbiri seçilib. Hazırda hadisənin təfərrüatları ilə bağlı araşdırmalar davam edir.
Demokrat.az
