Paltar yuyarkən çoxlarının vərdiş etdiyi 40 dərəcə temperatur əslində geyimlərin ən böyük düşməni imiş. İllərdir təmizliyin qızıl qaydası sayılan bu proqram parça toxumalarını yeyir və rəngləri qısa müddətdə soldurur.
Demokrat.az-ın məlumatına görə müasir yuyucu tozlar və yeni nəsil maşınlar artıq yüksək istiliyə ehtiyac duymadan eyni təmizliyi təmin edə bilir.
Gündəlik geyinilən köynəklər, idman paltarları və az çirklənmiş yataq dəstləri üçün 30 dərəcəlik proqram kifayət edir. Bu temperatur həm dərin təmizlik təklif edir, həm də liflərin zədələnməsinin qarşısını alır. İsti su parçanı daha tez köhnəldir, rənglərin bir-birinə qarışma riskini artırır və geyimlərin formasının itməsinə səbəb olur.
Aşağı temperaturda yumanın ən böyük üstünlüklərindən biri də xüsusilə pambıq və yun tərkibli paltarların daralması ehtimalını minimuma endirməsidir. Canlı rəngləri qorumaq və tüklənməni gecikdirmək üçün 30 dərəcə ideal seçim hesab olunur. Köhnə vərdişlərdən əl çəkərək bu sadə dəyişikliklə qarderobunuzdakı sevimli geyimlərin ömrünü xeyli uzada bilərsiniz.
Aytən Demokrat.az
