Misli Premyer Liqasının XVII turunda bu gün daha iki görüş baş tutacaq.
Demokrat.az xəbər verir ki, əvvəlcə "Şamaxı" evdə "Qəbələ"ni qəbul edəcək.
Görüş Şamaxı şəhər stadionunda saat 14:00-da start götürəcək. Ayxan Abbasovun baş məşqçisi olduğu komada hazırda 20 xalla turnir cədvəlinin 8-ci pilləsində qərarlaşıb. 11-ci yerdə olan "Qəbələ"nin isə 8 xalı var.
Günün son görüşü "Azərsun Arena"da "Qarabağ"la "Kəpəz" arasında keçiriləcək. Matç saat 16:30-da start götürəcək. Qurban Qurbanovun rəhbərlik etdiyi komanda 36 xalla turnir cədvəlində ikincidir. 10-cu yerdə olan "Kəpəz"in isə 9 xalı var.
Qeyd edək ki, turun daha əvvəl baş tutan görüşlərində "İmişli" "Araz-Naxçıvan"la (2:2), "Neftçi" isə "Zirə" (0:0) ilə heç-heçə edib. XVII tura yanvarın 25-də yekun vurulacaq.
Premyer Liqa 2025/26 mpvsümü XI tur
24 yanvar 14:00. "Şamaxı” – "Qəbələ” Hakimlər: Rəşad Əhmədov, Rəhman İmami, Teymur Teymurov, Əkbər Əhmədov VAR: Kamranbəy Rəhimov AVAR: Müslüm Əliyev Şamaxı şəhər stadionu
16:30. "Qarabağ” – "Kəpəz” Hakimlər: Vüqar Həsənli, Kamran Bayramov, Gülnurə Əkbərzadə, Elvin Bayramov VAR: Rəvan Həmzəzadə AVAR: Pərvin Talıbov "Azersun Arena”
25 yanvar 16:00. "Turan Tovuz” – "Sumqayıt” 18:30. "Sabah” – "Karvan-Yevlax”
23 yanvar "Neftçi” – "Zirə” - 0:0 "İmişli” – "Araz-Naxçıvan” - 2:2
Demokrat.az
