Son günlər baş verən mühacir qalmaqalına görə Müsavat Partiyasının rəhbərliyi istefaya çağırılıb.
Demokrat.az-ın xəbərinə görə, jurnalist Xədicə İsmayıl partiya rəhbərliyini istefaya çağırıb.
"Müsavat" rəhbərliyinə istefa verməsi barədə müraciətindən sonra Xədicə İsmayıl hücuma məruz qalıb. Onu sosial şəbəkələrdə təhqir etməyə başlayıblar.
Müsavat Partiyasının başqanı Arif Hacılı isə bildirib ki, “böhtan və şantaj” səbəbindən istefaya getməyəcək.
Qeyd edək ki, noyabrın 13-də Almaniyanın 6 əyalətində 38-dən çox ev və iş yerlərinə basqın zamanı Azərbaycanın 7 vətəndaşı saxlanılıb. Onların barələrində həbs qətimkan tədbiri seçilib. Həbs edilənlər arasında Müsavat Partiyası Avropa Koordinasiya Mərkəzinin (Müsavat AKM) sədri İlham Həsənin, Müsavat Partiyasının üzvü, Müsavat AKM sədrinin müavini Mehdi Xəlilbəylinin, Müsavat AKM-in üzvü Abdin Cavadovun, Müsavat Partiyasının üzvü Elşən Abdullayevin də olduğu iddia edilir.
