“Yuventus”un 19 yaşlı hücumçusu Kənan Yıldız Turin klubu ilə müqaviləsini 2029-cu ilə qədər uzadıb.
Demokrat.az xəbər verir ki, o, həm də 10 nömrəli nömrəni götürüb. Türkiyəli futbolçu 2022-ci ildən İtaliya nəhənglərinin sistemindədir. Bu müddət ərzində o, “Yuventus”un böyük komandasının 32 matçında iştirak edib və dörd qol vurub, bir məhsuldar ötürmə edib.
Futbolçunun klubla əvvəlki əmək müqaviləsi 2027-ci ilin yayına qədər qüvvədə idi. Transfermarkt portalında verilən məlumata görə, futbolçunun bazar dəyəri 30 milyon avrodur.
