Almaniyanın Azərbaycandakı səfiri Ralf Horlemann Parisdə Hidayət Heydərovu qələbə münasibətilə təbrik edib.
Səfir "X" sosial şəbəkəsindəki hesabında: “Tanınmış idmançı və ən yaxşı nəticələr əldə edən: bir ildə Avropa, Dünya və Olimpiya çempionu. Hörmətlə!”, - deyə paylaşımda qeyd edib.
Eyni zamanda Böyük Britaniyanın Azərbaycandakı səfiri Ferqus Auld Olimpiya çempionu təbrik edib: "Qızıl medal siyahısına xoş gəldiniz, Azərbaycan! Keçmiş həvəskar cüdoçu kimi mən bir fəndin qalibiyyətə apardığını bilirəm. Təbriklər!", - deyə səfir “X” hesabında qeyd edib.
Xatırladaq ki, azərbaycanlı cüdoçu Hidayət Heydərov ötən gün Parisdə keçirilən Yay Olimpiya Oyunlarında finalda fransalı rəqibi Con Benjamin Qabaya qalib gələrək olimpiadanın qızıl medalını qazanıb.
***17:05
Türkiyənin Azərbaycandakı səfirliyi cüdoçu Hidayət Heydərovu Parisdə keçirilən Yay Olimpiya Oyunlarında qızıl medal qazanması münasibətilə təbrik edib.
Demokrat.az xəbər verir ki, bu barədə səfirliyin X hesabında paylaşım edilib.
“Paris-2024 Yay Olimpiya Oyunlarında cüdo kateqoriyasında qızıl medal qazanan və Azərbaycan bayrağını Fransada dalğalandıran Hidayət Heydərovu ürəkdən təbrik edirik”, - paylaşımda qeyd edilib.
