"Qəbələ”nin qış fasiləsindəki hazırlıq planı müəyyənləşib.
"Report"un Premyer Liqa klubunun rəsmi saytına istinadən məlumatına görə, XVIII turun dekabrın 22-də keçirilən “Sabah”la oyunundan (1:0) sonra istirahətə buraxılan “qırmızı-qaralar” 2024-cü il yanvarın 4-də Qəbələdə bir araya gələcəklər.
Elmar Baxşıyevin baş məşqçisi olduğu komanda təlim-məşq toplanışı müddətində iki yoxlama oyununda gücünü sınayacaq. “Qəbələ” yanvarın 10-da “Kəpəz”, 15-də isə “Qəbələ-2” ilə qarşılaşacaq.
Hər iki oyun Qəbələdə baş tutacaq. Matçların başlama saatı ilə bağlı əlavə məlumat veriləcək.
Qeyd edək ki, mövsümün ikinci yarısına yanvarın 21-23-də keçiriləcək XIX turun oyunları ilə start veriləcək.
