Azərbaycanda ofislə təmin edilmiş siyasi partiyaların sayı 14-ə çatdı — FOTOLAR

DAXİLİ SİYASƏT 18 dek 2020, 16:37
Azərbaycanda daha 4 siyasi partiyaya ofis sahələri verilib, bununla da son günlərdə ofislə təmin edilən partiyaların sayı 14-ə çatıb.

Demokrat.az
xəbər verir ki, bu barədə İqtisadiyyat Nazirliyi məlumat yayıb.

Məlumatda deyilir ki, ölkə prezidentinin rəhbərliyi ilə aparılan uğurlu siyasi-iqtisadi islahatlar nəticəsində ölkəmizdə iqtidar-müxalifət dialoqu və siyasi plüralizm ənənələri formalaşır. Bu islahatların tərkib hissəsi olaraq, siyasi partiyaların fəaliyyət imkanlarının genişləndirilməsi istiqamətində tədbirlər görülür. Belə ki, dövlət başçısının tapşırığına uyğun olaraq, siyasi partiyalar iş prosesinin daha əlverişli şəraitdə yerinə yetirilməsi məqsədilə dövlət mülkiyyətində olan qeyri-yaşayış sahələri ilə təmin olunur, onların iş şəraiti yaxşılaşdırılır.

Ötən gün nazirlik yanında Əmlak Məsələləri Dövlət Xidməti daha 4 siyasi partiyaya ofis sahələrinin açarlarını təqdim edib. Azərbaycan Respublikaçılar Partiyası, Azadlıq Partiyası, Azərbaycan Təkamül Partiyası, Azərbaycan Milli Hərəkat Partiyası fəaliyyət göstərəcəkləri ofislərlə tanış olublar.





SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top