Almaniya yığmasının Türkiyə əsilli sabiq futbolçusu Məsut Özil "Qarabağ" klubunun düşərgəsinə gəlib.
Ölkəmizə təşrif buyuran dünya çempionu "Azersun Arena"da keçirilən açıq məşqini izləyib.
Türkiyəli ulduz "Qarabağ"ın uşaq komandaları ilə futbol oynayıb. Ardınca isə ulduz futbolçu mətbuat konfransında KİV nümayəndələrinin suallarını cavablandırıb.
Qeyd edək ki, karyerası ərzində "Şalke", "Verder", "Real", "Arsenal", "Fənərbaxça" və "Başakşəhər"də oynamış 36 yaşlı futbol veteranı Almaniya millisi ilə DÇ-2014-ün çempionu adını qazanıb.
