İqbal Ağazadə: “Soçi görüşündə heç nəyi razılaşdırmaq mümkün olmadı” — VİDEO

Soçi görüşü Azərbaycan üçün o qədər də vacib olmayan görüş idi. Əsasən Rusiya üçün vacib idi".

Demokrat.az xəbər verir ki, bu sözləri Reaksiya TV-nin efirində "Siyasi reaksiya" verilişinin qonağı olan Ümid Partiyasının sədri İqbal Ağazadə vurğulayıb.

İ.Ağazadənin fikrincə, Rusiya region dövlətlərinə təsir etmək imkanlarının olduğunu göstərən performans sərgiləmək istəyirdi:

"Həm də dünya dövlətlərinə, vasitəçilik edən Avropa Birliyinə nə də nümayiş etdirmək istəyirdi ki, biz varıq. Bu, bizim nəzarətimizdədir, tərəflər də bizim vasitəçiliyimizi qəbul edir. Lakin Putinin özünün də etiraf etdiyi kimi "hər şeyi razılaşdırmaq mümkün olmadı". Mən deyərdim ki, Soçi görüşündə heç nəyi razılaşdırmaq mümkün olmadı. Sadəcə, sıradan bir görüş oldu, Putin Rusiyanın mövqeyini sərgilədi". 

Partiya sədri Xankəndidə keçirilmiş mitinqlərdən də danışıb:

"Rusiyanın ciddi dəstəyi ilə, həm də maliyyə dəstəyi ilə keçirilən mitinqlər Azərbaycana təhdiddir və təsir mexanizmi kimi düşünülmüşdür. Mitinq olan meydan dardı, orada əhali sıx yerləşib, həmin mitinqdə 15 mindən artıq əhali yoxdur. Mən sizi əmin edirəm ki, onun ən azı yarısı Ermənistandan gətirilib".

Daha ətraflı videoda:
 
Zamiq
Demokrat.az