"Ölmüş bir həşərat kimi uzanmışam. Bakı məni yaman yordu".
Bu sözləri Bakıda konsert verən dünyaca məşhur ifaçı Kardi Bi İnstaqram hesabında yazıb.
O, səhnədə sevilən hitlərini səsləndirib. Daha sonra isə Azərbaycan barədə fikirlərini sosial media hesabında yazıb.
Müğənni evinə geri qayıtmaq üçün təyyarədə13 saat yol gedəcəyini bildirib.
"Formula 1 üçün məni seçdiyinə görə, Azərbaycana təşəkkür edirəm. Gözəl şəhər, gözəl insanlar və ləzzətli yeməklər” deyə, o, ölkəmizdən bəhs edib.
Qeyd edək ki, sənətçi səhnəyə çəhrayı libasda çıxıb, onu bənzər geyimdə olan rəqqaslar müşayiət edib.
