Avro-2020: Millimizin rəqibləri müəyyənləşir

İDMAN 02 dek 2018, 09:03

Bu gün İrlandiyanın Dublin şəhərindəki Konvensiya Mərkəzində 2020-ci ildə keçiriləcək Avropa çempionatının seçmə mərhələsinin püşkatma mərasimi təşkil olunacaq. 
 

Demokrat.Az xəbər verir ki, yerli vaxtla saat 11:00-da (Bakı vaxtı ilə saat 15:00) başlayacaq mərasimdə AFFA-nın prezidenti Rövnəq Abdullayev, vitse-prezident Elşad Nəsirov, baş katib Elxan Məmmədov, Azərbaycan milli komandasının baş məşqçisi Qurban Qurbanov, baş katibin müavini Sərxan Hacıyev, AFFA-nın Mətbuat və İctimaiyyətlə Əlaqələr Şöbəsinin müdiri Firuz Abdulla, AFFA-nın Beynəlxalq Əlaqələr Şöbəsinin müdiri, Avro-2020-nin final mərhələsinin Bakıda keçiriləcək oyunları üzrə Əməliyyat Qrupunun layihə koordinatoru Könül Mehtiyeva və AFFA-nın İnfrastruktur direktoru, Avro-2019-un Bakıda təşkil olunacaq final qarşılaşmasının layihə koordinatorunun müavini Kamran Vəliyev  iştirak edəcəklər.


Xatırladaq ki, Avro-2020-nin 4 qarşılaşması Bakı Olimpiya Stadionunda keçiriləcək. Bunlardan 3-ü qrup oyunları, 1-i isə 1/4 final mərhələsinin qarşılaşmasıdır. Püşkatma mərasiminə yollanacaq AFFA nümayəndə heyətinin üzvləri Avro-2020 ilə bağlı təşkil olunacaq müxtəlif tədbirlərin iştirakçısı olacaqlar. Həmçinin, püşkatmadan bir gün öncə - dekabrın 1-də Dublində milli assosiasiyaların rəhbərliyi və mətbuat xidməti rəhbərləri üçün seminarlar keçiriləcək. Tədbirlərdə, müvafiq olaraq, baş katib Elxan Məmmədov, baş katibin müavini Sərxan Hacıyev və Mətbuat və İctimaiyyətlə Əlaqələr Şöbəsinin müdiri Firuz Abdulla iştirak edəcək.

 

Demokrat.Az

 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top