İranda daha 161 nəfər koronavirusun qurbanı olub.
“Report” IRNA-ya istinadən xəbər verir ki, bunu ölkənin Səhiyyə Nazirliyi açıqlayıb.
Məlumata görə, İranda, ümumilikdə, 19 492 nəfər pandemiyanın qurbanı olub.
Son sutkada daha 2 245 nəfərdə koronavirus aşkarlanıb. Beləliklə, İranda yoluxma faktlarının ümumi sayı 341 070-ə yüksəlib.
Məlumatda həmçinin 3 911 nəfərin ağır vəziyyətdə olduğu, 295 630 nəfərin isə sağaldığı vurğulanıb.
