Belarus Prezidenti Aleksandr Lukaşenko parlamentə və xalqa müraciətində bildirib ki, planetimiz istənilən an “partlaya” bilər.
Bu barədə “RİA Novosti” məlumat yayıb.
“Planetimiz mütəmadi, lakin əmin şəkildə uçuruma doğru gedir. Elə gəlir ki, planetin partlaması üçün sadəcə bir kibriti yandırmaq kifayətdir”, - deyə Belarus lideri bildirib.
Respublika başçısının sözlərinə görə, “soyuq müharibə” dövründə fəxr edə bilinəcək beynəlxalq hüquqi və çoxtərəfli siyasi tənzimləmə vasitələri artıq anaxronizmlərə çevrilib və heç kim tərəfindən nəzərə alınmır.
