Tacikistanın Din, Ənənələr, Təntənələr və Rituallar üzrə Komitəsi toy şənliyinin təşkili və keçirilməsi üçün ölkənin bütün vilayət və rayonlarının dövlət orqanlarına yeni qaydalar göndərib.
KONKRET.az-ın Mərkəzi Asiya ölkələri üzrə bürosu xəbər verir ki, hökumətin göstərişlərinə əsasən və koronavirusun yayılmasının qarşısını almaq üçün indi toylar yalnız dar bir dairədə və məhdud sayda insanla təşkil olunmalıdır.
Yeni qaydalara görə, bayramda yaxın qohumlar iştirak edə bilər və onların sayı 30-40 nəfərdən çox olmamalıdır.
COVID-19-un qarşısının alınması üzrə Respublika Baş İdarəsi aprel ayında müvəqqəti olaraq dayandırılan toy mərasimlərinə iyunun 15-dən bəzi dəyişikliklərlə (100 qonaqdan çox olmayan) bütün sanitariya standartlarına və məsafəyə uyğun olaraq icazə verib.
