Bill Qeyts koronavirusdan danışdı

DÜNYA 23 iyl 2020, 08:48

“İnsanların koronavirusdan sağalması üçün daha çox dozada COVID-19 peyvəndinə ehtiyacı ola bilər”.

 
Demokrat.az xəbər verir ki, bu barədə “CBS News”a açıqlamasında “Microsoft”un qurucusu Bill Qeyts bildirib.


Onun sözlərinə görə, bir insanın koronavirusdan sağlaması üçün bir deyil, iki doza peyvənd qəbul etməsi lazım olacaq: “Bu anda, vaksinlərin heç birinin bir doza ilə müsbət təsirindən danışmaq düzgün olmaz. Əvvəllər buna ümid edilirdi”.


"Yalnız iki dəfəyə doza qəbulu ilə müalicənin effektiv olacağına ümid edirik. Yaşlı insanlarda bəzən iki dəfədən də çox doza lazım olacaq" – deyə, “Microsoft” rəhbəri əlavə edib.


Qeyd edək ki, Bill Qeytsin rəhbərlik etdiyi “Bill & Melinda Geyts” Fondu koronavirus əleyhinə peyvəndin hazırlanması üçün Ümumdünya Səhiyyə Təşkilatına (ÜST) 300 milyon dollar ayırıb.

 
ÜST-ün ikinci ən böyük donoru olan bu fond 2018-2019-cu illərdə öz büdcəsinin 9,76% -ni səhiyyə qurumuna köçürüb.(apa.az)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top