Ölkədə növbəti koronaviruslu xəstə EKMO aparatına qoşuldu — FOTO

SOSİAL 15 iyl 2020, 22:54

Mərkəzi Gömrük Hospitalının reanimasiya briqadası artıq dördüncü ağır koronaviruslu xəstəni ekstrakorporal membran oksigenasiyası (EKMO) cihazına qoşub.


Bu barədə Demokrat.az-a Hospitaldan məlumat verilib.


Qeyd olunub ki, ixtisasca həkim olan 48 yaşlı pasiyentin ağciyərlərinin 90%-dən çoxu zədəli və qan qazlarında ciddi mənfi dinamika müşahidə olunduğu üçün xəstə EKMO aparatına qoşulub: “Hazırda xəstənin vəziyyəti stabil kritik ağır kimi qiymətləndirilir”.


Mərkəzi Gömrük Hospitalının Reanimasiya və intensiv terapiya şöbəsinin rəisi Tural Sadıqov bildirib ki, koronaviruslu xəstələrdə ağciyərlər öz funksiyasını heç cür bərpa edə bilmirsə, süni tənəffüs aparatına qoşulduqda da fayda olmursa, xəstə məcburən EKMO cihazına qoşulur: “Şöbədə ilk EKMO cihazına qoşulan pasiyent artıq uğurla cihazdan və süni tənəffüs aparatından ayrılıb. Hazırda digər xəstələrin müalicəsi davam etdirilir”.


Qeyd edək ki, EKMO cihazı ağciyər və ürək yerinə 2-3 həftə və daha artıq funksiya göstərərək mövcud olan problemin həlli üçün həkimlərə vaxt qazandıran müasir və yüksək texnoloji bir müalicə üsuludur.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top