Ötən gün 52 yaşını qeyd edən Əməkdar artist Elza Seyidcahan Xəzər telekanalında yayımlanan "5/5" verilişində qonaq olub.
Demokrat.az xəbər verir ki, fərqli geyim tərzi ilə seçilməyi bacaran sənətçi bu dəfə diqqət çəkməyi bacarıb. Elza saç aksesuarı olaraq müxtəlif yarpaqlardan istifadə edib.
“Yaşıllıq təbiətin gözəlliyidir. Ən dahi rəssam Allahdır. Yaşıllıq onu rəmzidir ki, ekologiyanı qorumalıyıq, təmizliyə riayət etməliyik. Sənətin də ekologiyasını qorumalıyıq. Və bütün moda nümayişlərində belə obraza müraciət edirlər. Paltarım isə xüsusi hazırlanıb. Hindistandan gətirilən təmiz ipək parçadan tikilib”,- deyə sənətçi obrazı barədə qeyd edib.(primetime.az)
