Rusiyada referendumun nəticələri elan olundu

DÜNYA 02 iyl 2020, 13:22

Rusiyada Konstitusiyaya ediləcək dəyişikliklərlə bağlı ümumxalq səsverməsinin nəticələri elan olunub.


Demokrat.az xəbər verir ki, Rusiyanın Mərkəzi Seçki Komissiyasının məlumatına görə, səsvermədə iştirak edənlərin 77,92 faizi dəyişikliklərin lehinə səs verib. Əleyhinə səs verənlərin nisbəti isə 21,27 faiz təşkil edib.


Rusiyanın əksər bölgələrinin sakinləri qanuna düzəlişlər edilməsinin tərəfdarı olub. Yeganə istisna 54,57  faiz əleyhinə səsin yığıldığı Nenets Muxtar Dairəsi olub. Mənfi düzəlişlər Nyu-York, Berlin və Vyanadakı ruslar tərəfindən də müsbət qiymətləndirilib.


MSK sədri Ella Pamfilova bildirib ki, seçki məntəqələrinin bağlanmasından sonra qeydə alınan ümumi fəallıq 65 faizə çatıb.


Qeyd edək ki, koronavirus pandemiyası səbəbindən sosial məsafə və epidemioloji təhlükəsizlik qaydalarının təmin olunması üçün Rusiyada ümumxalq səsverməsinin 1 həftə ərzində keçirilməsinə qərar verilmişdi.


Xatırladaq ki, təklif olunan düzəlişlərin arasında Rusiya qanunvericiliyinin beynəlxalq qanunvericilikdən üstünlüyü, dövlətin ildə ən azı bir dəfə pensiyaların indeksləşdirilməsi öhdəliyi, tanrıdan və dövləti formalaşdıran rus xalqından bəhs edilən düzəlişlər, həmçinin hazırkı prezidentin növbəti müddətə yenidən seçilmək hüququ yer alıb.(qafqazinfo.az)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top