Bu ilin yanvar-may ayları ərzində Gürcüstan Azərbaycana 393,1 min ABŞ dolları dəyərində 116,8 ton yumurta ixrac edib.
İllik müqayisədə ixrac edilən məhsulun həcmi 57,5 ton və ya 97% artaraq 116,8 tona, dəyəri isə 155,9 min dollar və ya 65,7% artaraq 391,1 min dollara çatıb.
2019-cu ilin yanvar-may ayları ərzində isə Gürcüstandan Azərbaycana 237,2 min dollar dəyərində 59,3 ton yumurta ixrac edilib.
Maraqlıdır, Azərbaycanda bu sahə o qədər zəifdirmi ki, qonşu ölkədən ixrac bu qədər artıb?
Bu barədə Cebhe.info-ya açıqlamasında Respublika Quşçular Cəmiyyətinin sədri Aydın Vəliyev bildirib ki, gətirilən ərzaq deyil, damazlıq yumurtasıdır:
"Damazlıq yumurtası isə yemək üçün yox, istehsalı artırmaq üçün gətirilir. Bu sahə ilə bağlı ümumiyyətlə, vəziyyət yaxşıdır. Sadəcə, azad ticarətdir, kimin ürəyi istəyirsə, gedib Gürcüstandan, Türkiyədən gətirib, inqubatora qoyur. O demək deyil ki, bu sahə bizdə zəifdir. Bizdə 10 dənə təsərrüfat birliyi var ki, hamısı damazlıq yumurta istehsal edir. İnsan var, almaq istəmir, gedib oradan gətirir. Eyni şeydir, fərqi yoxdur. Yemək yumurtasına gəlincə isə, onlar ölkəmizdə təlabatdan da çoxdur".
