“Neftçalada heyvanların belə su içməsi mümkün deyil”.
Demokrat.az xəbər verir ki, bunu Milli Məclisin iclasında deputat Sabir Rüstəmxanlı deyib.
O bildirib ki, Kür çayının səviyyəsi enir və ona dəniz suyu qarışır. “Nəticədə, su şoranlaşır. Heyvanlar susuzluqdan qırılır, bostanlar quruyur. İnsanlar içməyə su tapmır”, – deyə, S.Rüstəmxanlı əlavə edib.
Millət vəkili qeyd edib ki, Kür çayından Neftçalaya içməli suyun verilməsi üçün boru çəkilməsi nəzərdə tutulurdu, bunun üçün 5 milyon manat ayrılmışdı: “Ancaq həmin su kəməri çəkilmədi. Neftçalada su problemi ilə bağlı həyəcan təbili çalıram. Bu gün problemdən çıxış yollarından biri də dəniz suyunun şirinləşdirilməsidir”.
