Qobuda iş adamını öldürən ata və oğul hökmdən narazıdır — Şikayət

KRİMİNAL 25 may 2020, 12:18

Abşeron rayonunda iş adamını qətlə yetirməkdə təqsirli bilinən 1959-cu il təvəllüdlü Zakir Əlizadə və onun oğlu, 1991-ci il təvəllüdlü Tural Əlizadənin, həmçinin xuliqanlıqda ittiham olunan 1976-ci il təvəllüdlü Babək Quliyev barələrində olan hökmdən apelyasiya şikayəti veriblər.


Sumqayıt Apelyasiya Məhkəməsindən Demokrat.az-a verilən məlumata görə, təqsirləndirilən şəxslərin şikayətləri məhkəməyə daxil olub.


Onların şikayətləri araşdırılması üçün hakim Elman Rəhimovun icraatına verilib.


Məhkəmənin ilkin baxış iclası iyunun 6-na təyin olunub.


Qeyd edək ki, təqsirləndirilən şəxslər barələrində təyin olunmuş cəzanın yüngülləşdirilməsini xahiş edib. 


Bakı Ağır Cinayətlər Məhkəməsinin hökmü ilə Zakir Əliyev 18 il, və Tural Əlizadə isə 17 il müddətinə azadlıqdan məhrum edilib.


Babək Quliyev isə 2 il müddətinə islah işləri cəzasına məhkum edilib.


İttihama görə, Abşeron rayonunun Qobu qəsəbəsindən Rövşən Abbasovun odlu silahdan qətlə yetirilmiş meyiti tapılıb.


Rayon polisi və prokurorluğu əməkdaşları tərəfindən keçirilən əməliyyat-istintaq tədbirləri nəticəsində hadisəni törətməkdə şübhəli bilinən Tural Əlizadə tutulub. Ondan müvafiq sənədləri olan “Vinçester” markalı tüfəng və patron götürülüb.


İstintaq araşdırması zamanı qətli Tural Əlizadə atasə Zakir Əlizadə ilə birlikdə törətməsi, həmçinin digər təqsirləndirilən Babək Quliyev onlarla birlikdə qətlin törədilməsində iştirak etməsi məlum olub.


Rövşən Abbasovu “Vinçester” markalı silahla qətlə yetirən 25 yaşlı Tural Əlizadə istintaqa ifadəsində bildirib ki, Rövşən Abbasovla əvvəlcədən ədavəti olub.


Qətl hadisəsi törədilən gün onlar “söhbət etmək” üçün kafedə görüşüb. Kafedən çıxdıqdan sonra sözləri yenidən çəp gəlib.


Bu zaman Tural Əlizadə “Vinçester” markalı silahdan əvvəlcə havaya atəş açıb. Daha sonra Tural Əlizadə Rövşən Abbasovun ayağını güllə ilə yaralayıb. O, üçüncü gülləni Rövşən Abbasovun ürək nahiyəsinə vurub.


Rövşən Abbasov sahibkarlıq fəaliyyəti ilə məşğul olub.


Zakir Əlizadə və Tural Əlizadə əvvəllər məhkum olunduqları məlum olub.


Zakir Əlizadə daha əvvəl də 3 dəfə məhkum olunub, sonuncu dəfə qəsdən adam öldürmə ittihamı ilə 9 il müddətinə məhkumluq həyatı yaşayıb.


Fariz Məlikli
Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
28 mar 2024, 17:53
Top