Şəmkir rayonunda məktəbli qızlara qarşı əxlaqsızlıq hərəkətlər etməkdə ittiham olunan 1959-cu il təvəllüdlü Vidadi Rüstəmovun cinayət işi üzrə məhkəmə prosesi başa çatıb.
Demokrat.az-ın əldə etdiyi məlumata görə, Vidadi Rüstəmov taksi fəaliyyəti ilə məşğul olduğu özünə məxsus “VAZ 2107” markalı avtomobillə 2017-ci il sentyabr ayının ortalarından həmin ilin dekabr ayının sonlarınadək və 2018-ci ilin ilin sentyabr ayının ortalarından həmin ilin dekabr ayının sonlarınadək 2008-ci il təvəllüdlü Samirə Məmmədovaya (cinayət işində adı keçən zərərçəkmişlərin ad və soyadları şərti verilib – red.) yaşadığı evdən məktəbə aparıb.
O, azyaşlının məktəbə aparıb-gətirən zaman avtomobilin içərisində öz cinsi ehtirasını təmin etmək məqsədilə mütəmadi olaraq zor tətbiq etmədən əlləri ilə azyaşlıya qarşı əxlaqsız hərəkətlər edib.
Vidadi Rüstəmov həmçinin Samirə Məmmədovanın bacısı, 2011-ci il təvəllüdlü Ləmana da eyni hərəkətlər törədib. O, Ləmanı da öz avtomobili ilə məktəbə aparıb-gətirən zaman bu çirkin əməlini həyata keçirib.
Vidadi Rüstəmov rayon ərazisində daha bir məktəbli qıza qarşı da öz çirkin əməlini həyata keçirib. O, 2010-cu il təvəllüdlü Ramella Səmədovanı məktəbə aparıb-gətirən zaman ona qarşı əxlaqsız hərəkətlər edib.
O, azyaşlı qızı idarə etdiyi avtomobillə yaşadığı evdən orta məktəbə aparıb-gətirib. Bu zaman azyaşlıya qarşı əxlaqsızlıq edib. Onun Ramella Səmədovaya qarşı bu hərəkətləri 2017-ci ilin sentyabr ayının ortalarından 2018-ci il may ayının sonlarınadək və 2018-ci ilin ilin sentyabr ayının ortalarından həmin ilin dekabr ayının sonlarınadək davam edib.
İstintaq orqanı tərəfindən Vidadi Rüstəmovun barəsində Cinayət Məcəlləsinin 153.2-ci (on dörd yaşına çatmayan şəxs barəsində əxlaqsız hərəkətlər törətmək) maddəsi ilə ittiham elan edilib.
Şəmkir rayon Məhkəməsinin hökmü ilə Vidadi Rüstəmov qazancının 20 faizi dövlət nəfinə tutulmaqla 1 il 2 ay 29 gün müddətə islah işləri cəzasına məhkum olunub.
Hökmdən narazı qalan prokuror apelyasiya protesti verib. Prokuror protestində təqsirləndirilən şəxsin cəzasının ağırlaşdırılmasını istəyib. Prokurorun protesti araşdırılmaq üçün Gəncə Apelyasiya Məhkəməsinə göndərilib. Hakim Teyyub Muxtarovun sədrliyi ilə baş tutan iclasda apelyasiya şikayətinin dəlilləri araşdırılıb, sonda qərar elan edilib.
Prokurorun protesti təmin edilib və Şəmkir rayon Məhkəməsinin hökmü dəyişdirilib.
Məhkəmə Vidadi Rüstəmovun barəsində 9 ay müddətinə azadlıqdan məhrum etmə cəzası təyin olunub. Onun barəsində başqa yerə getməmək qətimkan tədbiri ləğv edilib və həbs qətimkan tədbiri seçilib. O, məhkəmə zalından həbs edilib.
Vidadi Rüstəmovun cəzasının əvvəli 2019-cu il avqustun 30-dan hesablanıb.
Bu qərardan narazı qalan Vidadi Rüstəmov kasasiya şikayəti verib. O, azyaşlı zərərçəkmiş şəxslərə qarşı heç bir əxlaqsız hərəkət etmədiyi, yəni işdə onun cinayət törətməsini təsdiq edən heç bir sübut və əməlində cinayət tərkibi yoxdur.
Vidadi Rüstəmov qeyd edib ki, məhkəmələr sübutlar və sübutetməyə dair cinayət-prosessual qanunun tələblərini pozub, onu əsassız və qanunsuz olaraq Cinayət Məcəlləsinin 153.2-ci maddəsi ilə təqsirli biliblər.
Onun sözlərinə görə, taksi fəaliyyəti ilə məşğul olan şəxs kimi həmin azyaşlı məktəbliləri bir neçə ay ərzində evlərindən məktəbə aparıb-gətirdiyinə görə yaranmış borcu uşaqların valideynlərindən tələb etdiyi üçün həmin valideynlər ona böhtan atıb, əsassız olaraq onu övladlarına qarşı əxlaqsız hərəkətlər etməkdə ittiham ediblər.
Vidadi Rüstəmov barəsində bəraət hökmünün çıxarılmasını istəyib. Ali Məhkəmədə hakim Hafiz Nəsibovun sədrliyi ilə baş tutan iclasda kasasiya şikayətinin dəlilləri araşdırılıb, sonda qərar elan olunub.
Qərara görə, Vidadi Rüstəmovun kasasiya şikayəti təmin olunmayıb.
Fariz Məlikli
Demokrat.az
