Türkiyənin Azərbaycandakı səfirliyi rəsmi Ankaranın koronavirusla bağlı Ermənistana yardım etdiyi barədə məlumatlara münasibət bildirib.
Demokrat.az-ın məlumatına görə, diplomatik nümayəndəlikdən bildirilib ki, bu informasiyalar həqiqəti əks etdirmir.
“Mətbuatda yayılan iddialarla əlaqədar olaraq bildiririk ki, Türkiyənin səlahiyyətli şəxsləri humanitar yardım olaraq Türkiyədə yaşayan 70-dək Ermənistan vətəndaşının Gürcüstan üzərindən ölkələrinə qayıtmaqlarını təmin edib. Bunun xaricində hər hansısa yardım göstərilməyib”, səfirlikdən qeyd olunub.(report.az)
