"Daha mənim burada nə işim var?" – Erkin Qədirlinin parlamentdə İLK ÇIXIŞI

SİYASƏT 13 mar 2020, 17:17

Deputat Erkin Qədirli Milli Məclisdə ilk çıxışını edib.

 

O, çıxışında təklif edib ki, əvvəlki çağırışda müzakirə edilib qəbul edilməyən layihələr yeni çağırışa ötürülməsin:

 

“Belə ənənə parlamentarizm təcrübəsi olan ölkələrdə yoxdur. Ona görə də, arzum bununla bağlıdır ki, əvvəlki çağırışın iş planı yeni çağırış iş planına ötürülməsin. Hansısa çağırış layihəyə baxa bilməyibsə, həmin layihə sıfırlanmalıdır. Mən “Əmanətlərin sığortalanması haqqında” qanuna bitərəf qaldım. Sadəcə layihənin əsaslandırmasını görmədim. Layihələr olanda əsaslandırması ilə birgə bizə təqdim edilməsini xahiş edirik.


O cümlədən “Qeyri-hökumət təşkilatları haqqında”, “Qrantlar haqqında” qanun dəyişdirilməlidir”.

 

E. Qədirli həmçinin adının Hüquq siyasəti və dövlət quruculuğu komitəsi üzvü kimi siyahıya salınmamasına etiraz edib. O bildirib ki, bu komitəyə üzv yazılmışdı: “Amma nədənsə öz adımı burada görmədim. Mən özüm hüquqşünasam. Bu komitədə olmasam, daha mənim burada nə işim var?”

 

Sözügedən komitənin sədri Əli Hüseynli bildirib ki, bu texniki məsələdir: “Artıq elektron qaydada bu məsələ nəzərə alınıb. Siz komitənin üzvüsünüz”. (qafqazinfo)

 

Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top