Azərbaycan çempionatının Əvəzedici Komandalar arasında keçirilən yarışın bürünc medalı satışa çıxarılıb.
Demokrat.az fanat.az-a istinadən xəbər verir ki, adı açıqlanmayan futbolçu bürünc medalını auksion vasitəsiylə satmaq niyyətindədi. Bu barədə elan sosial şəbəkələrdəki auksion səhifələrindən birində yer alıb. Start qiyməti 1 manatdır.
Hələlik medala maraq böyük deyil və artım cəmi 6 manata qədər çatıb.
Medal 2010/2011-ci il mövsümünə aiddir. Elanda qeyd olunur ki, medal bürünc materialdan hazırlanıb. İstehsalçı "ARTHUS -BERTRAND DEPİUS 1803 PARİS"dir.
Xatırladaq ki, 2010/2011-ci il mövsümündə əvəzedicilərin yarışında bürünc medalları "Qəbələ" komandası qazanıb. Çempion "Bakı" olub, 2-ci yeri isə "Turan"ın gəncləri tutub.
Qeyd edək ki, elanda medalın birinci dəstəyə aid olduğu yazılır. Amma medalın üzərində onun əvəzedici komandaların yarışına aid olduğu qeyd edilib.
