Prezident rus dilini təhlükə hesab edir

SİYASƏT 06 apr 2019, 08:19

Baltikyanı ölkələrdə rus dilinə isti yanaşmırlar. Hətta hökumət səviyyəsində belə münasibət var.


Demokrat.az xəbər verir ki, Estoniya prezidenti Kersti Kalyulayd rus dilini təhlükə hesab etdiyini bildirib. Onun fikrincə, bunun eston dilinə və mədəniyyətinə yalnız zərəri var. Kalyulayd eyni zamanda iki dilin öyrənilməsini mümkünsüz sayır.


Estoniya prezidenti deyir: “Ölkənin qarşısında duran məqsəd odur ki, uşaq bağçalarındakı bütün tərbiyəçilər estonca danışsın. Böyük şəhərlərdə estonca danışıq səviyyəsinin aşağı olmasına görə rus icmaları cəmiyyətdən təcrid vəziyyətində yaşayır. Ölkədə tamamilə eston dilindən istifadə edən məktəb və uşaq bağçaları yoxdur”.


Kalyulayd fevralda da bu haqda danışmışdı. Prezident onda da təhsil sisteminin gələcəyi ilə bağlı narahatlığını bölüşmüşdü.


İndi Baltikyanı ölkədəki rus məktəblərində eston dili aşağı səviyyədə tədris olunur. Məktəblər və gimnazilayarla bağlı qanun layihəsinə görə bütün təhsil ocaqlarında yerli dil öyrədilməlidir. Ölkə hakimiyyətini isə eston dilinin bir çox hallarda kölgədə qalması narahat edir.(Bizimyol.info)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top