Şahin Mustafayev İran səfiri ilə görüşdü

Azərbaycan Baş nazirinin müavini Şahin Mustafayevlə İranın Azərbaycandakı səfiri Seyid Abbas Musəvi arasında görüş olub.

Demokrat.az xəbər verir ki, bu barədə iranlı səfir öz tviter hesabında məlumat verib.

Onun sözlərinə görə, uzun və konstruktiv görüşdə ikitərəfli siyasi və iqtisadi əlaqələrdə son hadisələr, xüsusilə birgə layihələrdən danışılıb. Birgə iqtisadi komissiyanın keçirilməsi, maneələrin aradan qaldırılması və ticarətin artırılması, regional əməkdaşlığın genişləndirilməsi müzakirə mövzuları arasında olub.

Demokrat.az