Ehtimal edirəm ki, 1920-ci ilin sərhədlərinə gedib çıxacağıq — Politoloq

GÜNDƏM 27 okt 2021, 00:21
“Mən bir vətəndaş kimi hesab edirəm ki, sərhədlərin delimitasiya və demorkasiya prosesi getməlidir. Biz bu zaman tarixi reallıqlara əsaslanmalıyıq. Bu prosesdə Azərbaycanın maraqları Türkiyənin real köməyi və dəstəyi ilə qorunacaq. Ermənistan fakt qarşısında qalaraq hər şeyi qəbul etməyə məcbur qalacaq”.

Bunu politoloq Rüstəm Məmmədov deyib.

Hüquqşünas əlavə edib ki, Azərbaycan sərhədlərin müəyyənləşməsi zamanı tarixən mövcud olan reallıqlara istinad etməlidir. Onun sözlərinə görə, əgər mümkünsə sovet ittifaqından əvvəl mövcud olan sərhədlər və xəritələrə istinad etmək daha münasib olardı. Əlbəttə, biz bunu vətənsevər kimi deyirik, amma siyasət bir qədər fərqli ola bilər. Amma aydındır ki, Azərbaycan və Ermənistan arasında delimitasiya və demorkasiya baş tutmalıdır, bunun başqa yolu yoxdur”.
 
Rüstəm Məmmədov qeyd edib ki, əslində biz məsələyə tarixi aspektdən yanaşsaq bu zaman ortaya çıxacaq ki, bütövlükdə indiki Ermənistan Azərbaycan əraziləridir: “Məncə, prosesə yavaş-yavaş gedəcək, əsas odur ki, xeyrimizə olsun. Birdən-birə irəli getmək düzgün deyil. Əlbəttə, sərhədlər məsələsində düşünürəm ki, biz 1920-ci ilin sərhədlərinə qədər gedib çıxa biləcəyik. Səbrli davranmaq lazımdır. İnşallah bu baş verəcək”.

Politoloq indi baş verən proseslərin Ermənistanda daxili ictimai-siyasi vəziyyətə təsir etdini bildirirb, amma eyni zamanda da qeyd edib ki, erməni siyasətçilər özləri bilər: “Ermənistan bu prosesə hazır deyil, amma bizim şərtlərimizi qəbul edəcəklər. Bu gün də paramentdə bir-birlərini qırıblar. Yaxşı da ediblər. Bu cür davam etsinlər. Amma Paşinyana qarşı hansısa proses başlatmaları, cəmiyyəti guya ayağa qaldırmaqları boş söhbətdir. İndi Rusiyanın da maraqları tələb edir ki, bölgədə mövcud problemlərin vacib hissəsi olan sərhəd və komunikasiya xətlərinə dair irəliləyişlər əldə edilsin”./Teleqraf

DİGƏR XƏBƏRLƏR

XƏBƏR LENTİ
Top