Ərdoğan: “İslamofobiya xərçəng şişi kimi bütün dünyada yayılır”


DÜNYA 26 may 2021, 09:09
“İslamofobiya xərçəng şişi kimi bütün dünyada, xüsusilə də Qərbdə yayılır”.

Demokrat.az “Anadolu” agentliyinə istinadən xəbər verir ki, bu barədə Türkiyə Prezidenti Rəcəb Tayyib Ərdoğan Ankarada KİV və islamofobiya təzahürləri mövzusunda keçirilən I Beynəlxalq Simpozium iştirakçılarına müraciətində deyib.

Onun sözlərinə görə, İslama qarşı düşmənçilik Bosniya və Herseqovinadan Myanmaya qədər müxtəlif ölkələrdə baş vermiş bir çox faciəvi hadisələrin nümunəsində özünü göstərib.

“Sentyabrın 11-də baş vermiş terror aktlarından sonra ABŞ hökuməti “müsəlmanların demonizasiyası” strategiyasını həyata keçirməyə başlayıb, bu da bir çox cəmiyyətlərdə anti-islam əhval-ruhiyyəsinin yayılması üçün başlanğıc nöqtəsi olub, harada ki, İslama qarşı nifrət virusu onsuz da mədəni səviyyədə var idi”, - Ərdoğan vurğulayıb.

Türkiyəli lider vurğulayıb ki, əhalinin təhlükəsizliyinin təmin olunmasına görə məsuliyyət daşıyan Qərb dövlət strukturları bu gün İslama qarşı düşmənçilik təzahürləri ilə yarışır.

Türkiyə Prezidenti qeyd edib ki, hələ dünənə qədər marginal hesab olunan radikal cərəyanlar bu gün siyasi gündəliyi formalaşdırırlar və bu, bir daha onu göstərir ki, Qərb bataqlıqdadır.

Ərdoğan qeyd edib ki, Qərb islamofobiyanın miqyasına diqqəti cəlb etmək əvəzinə, asan yol seçir və radikal cərəyanların təsiri altına düşür.

Türkiyəli lider bildirib ki, dünyanın hər yerində vicdanlı siyasətçilər, ziyalılar, KİV nümayəndələri və din xadimləri “islamofobiya” adlı xəstəliyə qarşı mübarizədə vahid cəbhədə çıxış etməlidirlər.

Dövlət başçısı əmindir ki, İslam dünyasında birlik islamofobiya ilə mübarizənin uğurunu yaxınlaşdıracaq.

Prezident Ərdoğan qeyd edib ki, islamofobiya təhlükəsi olan bütün cəmiyyətlər və ölkələr beynəlxalq arenada birləşməli və sıx əməkdaşlıq etməlidirlər.


DİGƏR XƏBƏRLƏR

XƏBƏR LENTİ
Top