Ermənilər Xocalıda "Yeni Daşaltı" kəndi salmaq xəyalına düşüb

QARABAĞ 11 fev 2021, 23:13
Qarabağda tör-töküntüləri hələ də sülənən separatçı kriminal erməni rejiminin oyuncaq rəhbərləri müxtəlif xəyallara düşməyə başlayıblar. Bir neçə gün öncə onların Xocalı rayonu ərazisində 2000 nəfərlik yeni qəsəbə salmağı planlaşdırdıqları barədə yazmışdıq. 

Şuşa rayonunun qanunsuz separatçı “başçısı” Qrişa Ovannisyan isə Vətən müharibəsi zamanı ordumuzun azad etdiyi Daşaltı(“Karin Tak”) kəndindən köçmüş erməni ailələri üçün “Yeni Daşaltı”(“Nor Karin Tak”) kəndi salmaqdan dəm vurub. 

Demokrat.az
xəbər verir ki, Q.Ovannisyan bu barədə qəsbkar Ermənistan mediasına müsahibəsində danışıb. 

Onun sözlərinə görə, 150 ailə üçün 15 hektarlıq yer ayırmaq nəzərdə tutulub. Yeni kəndin  Xocalı rayonunun “Ovsepevan” adlandırılmış Dərələyəz və  “Astxaşen” adlandırılmış Daşbulaq kəndləri, yaxud  Daşbulaqla “Noragyux”  adlandırılmış  Təzəbinə kəndləri arasında salınması xəyal edilir.  

Separatçı məmur “Yeni Daşaltı”nın salınması üçün təxminən 3 milyon dollar tələb olunduğunu da söyləyib. 

Qeyd edilir  ki, artıq Xocalı rayonunun Dərələyəz kəndində köçkün ermənilər üçün taxta evlərin tikintisinə başlanıb.(Moderator.az)
 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top