"Baş verənləri Ramiz Mehdiyevdən miras qalmış məmur ordusu yox, gənc nəsil şərh etməlidir"
"Hakimiyyət bilməlidir ki, ayrı-ayrı məmurların, deputatların vətəndaşlarla poz verib şəkil çəkdirib tirajlamağı iş deyil. Pafoslu çıxışlar, yağlı vədlər, ayrı-ayrı fərdlərin satın alınması ilə heç nə düzələn deyil. Cavab verməyən qaynar xətlər, formal xarakter daşıyan qəbul günləri, ancaq rəisini tərifləmək məqsədi güdən mətbuat xidmətləri, vətəndaşların şikayətlərini məmurların özlərinə ünvanlayan qəbul şöbələri və digər ötür-ötür oyunları insanlarda ancaq ikrah və nifrət hissi doğurur".
Demokrat.az-ın xəbərinə görə, bunu hüquqşünas Aslan İsmayılov deyib.
A.İsmayılov bildirib ki, iqtisadi böhrandan, koronavirus qadağalarından, Vətən Müharibəsi problemlərindən cana gəlmiş, maddi tərəfdən əziyyət çəkən vətəndaşlarla səmimi olmaqla ünsiyyət yaratmaq olar: "Bu dövr istənilən qadağa, haqsızlıq, ədalətsizlik, qanunsuzluq, zor tətbiq etmə psixolji cəhətdən tükənmiş vətəndaşları ən təhlükəli yola istiqamətləndirə bilər. Vətən Müharibəsində qazanılan böyük uğur islahat üçün ən gözəl məqamdır. Bundan istifadə edib insanların gözlədiyi islahatları təcili həyata keçirmək lazımdır. Bu yolda səhv etməkdən çəkinmək yox, çevik addımlar tələb olunur. Hər kəs öz vəzifə borcunu yerinə yetirməlidir. İnsanlarda nifrət qazanmış məmur ordusu təcili vəzifələrindən uzaqlaşdırılmalıdır. Bu gün baş verənləri Ramiz Mehdiyev - Əli Həsənovdan miras qalmış məmur ordusu, “müxalifətçilər”, “ictimai-siyasi xadimlər” yox, özünü Vətən Müharibəsində göstərmiş gənc nəsil şərh etməlidir. Bu xalq potensial baxımdan o qədər kasıb deyil ki, bir şəxs 5-10 vəzifəni icra etsin. Ən vacibi idarəetmə sistemi, ona yanaşma dəyişməlidir. Əks halda, qarşıda hamımızı faciələr gözləyir".
"Hakimiyyət bilməlidir ki, ayrı-ayrı məmurların, deputatların vətəndaşlarla poz verib şəkil çəkdirib tirajlamağı iş deyil. Pafoslu çıxışlar, yağlı vədlər, ayrı-ayrı fərdlərin satın alınması ilə heç nə düzələn deyil. Cavab verməyən qaynar xətlər, formal xarakter daşıyan qəbul günləri, ancaq rəisini tərifləmək məqsədi güdən mətbuat xidmətləri, vətəndaşların şikayətlərini məmurların özlərinə ünvanlayan qəbul şöbələri və digər ötür-ötür oyunları insanlarda ancaq ikrah və nifrət hissi doğurur".
Demokrat.az-ın xəbərinə görə, bunu hüquqşünas Aslan İsmayılov deyib.
A.İsmayılov bildirib ki, iqtisadi böhrandan, koronavirus qadağalarından, Vətən Müharibəsi problemlərindən cana gəlmiş, maddi tərəfdən əziyyət çəkən vətəndaşlarla səmimi olmaqla ünsiyyət yaratmaq olar: "Bu dövr istənilən qadağa, haqsızlıq, ədalətsizlik, qanunsuzluq, zor tətbiq etmə psixolji cəhətdən tükənmiş vətəndaşları ən təhlükəli yola istiqamətləndirə bilər. Vətən Müharibəsində qazanılan böyük uğur islahat üçün ən gözəl məqamdır. Bundan istifadə edib insanların gözlədiyi islahatları təcili həyata keçirmək lazımdır. Bu yolda səhv etməkdən çəkinmək yox, çevik addımlar tələb olunur. Hər kəs öz vəzifə borcunu yerinə yetirməlidir. İnsanlarda nifrət qazanmış məmur ordusu təcili vəzifələrindən uzaqlaşdırılmalıdır. Bu gün baş verənləri Ramiz Mehdiyev - Əli Həsənovdan miras qalmış məmur ordusu, “müxalifətçilər”, “ictimai-siyasi xadimlər” yox, özünü Vətən Müharibəsində göstərmiş gənc nəsil şərh etməlidir. Bu xalq potensial baxımdan o qədər kasıb deyil ki, bir şəxs 5-10 vəzifəni icra etsin. Ən vacibi idarəetmə sistemi, ona yanaşma dəyişməlidir. Əks halda, qarşıda hamımızı faciələr gözləyir".
