İlqar Məmmədov: “Mərkəzi Banka 450 milyon manat dəyərində yeni inzibati bina tikilməyəcək”

GÜNDƏM 17 yan 2021, 08:45
“Mərkəzi Banka 450 milyon manat dəyərində yeni inzibati bina tikilməyəcəyi qənaətindəyəm. Təəssüratım odur ki, müharibədən sonra hökumət özü tender nəticələrinin ləğvi yollarını axtarır”.

Demokrat.az
-ın xəbərinə görə, bunu özünün feysbuk hesabında ReAl Partiyasının sədri İlqar Məmmədov yazıb.

Partiya sədri bildirib:

“Əlbəttə, indiki bina Bakının simasını korlamış ilk yeni tikililərdən biridir. Onun ən azından rəngləri dəyişməlidir. İmkan varsa, ona başqa memarlıq dəyişiklikləri də eləmək olar, hətta tam sökmək də mümkündür. Amma onun əvəzinə 450 milyon manat verib yenisini tikmək heç bir çərçivəyə sığmır. Layihənin ləğv olunacağı haqda məntiqli gözləntim doğrudursa, bunun hansı rəsmiyyətlə ediləcəyi maraqlıdır. Dövlət vəsaiti tenderin qalibi olan şirkətə Qarabağın dirçəldilməsi layihələri üçün də ayrıla bilər. Bu, daha məntiqlidir və hər kəsi razı salacaq bir həll yolu olar” – İ.Məmmədov qeyd edib.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top