"Rusiya SQ-yə məxsus helikopterin sərhəddə vurulması Qarabağda hərbi əməliyyatların gedişinə təsir etməyəcək və edə də bilməz".
Demokrat.az-ın xəbərinə görə, bunu Xəzər Hərbi Tədqiqatlar İnstitutunun rəhbəri, hərbi ekspert Cəsur Sümərinli deyib.
O, qeyd edib:
"Bu tip hadisələr ümumi planlamaya mane ola bilməz. Burada Azərbaycan tərəfinin səhvi olduğu qədər, həmin helikopteri idarə edənlərin, əmri verənlərin də səhvi var. Ona görə də məsələ iki dövlət arasında danışıqlar yolu ilə həllini tapacaq. Bu məsələ Ermənistanın və ya Paşinyanın qarışa biləcəyi məsələ deyil. Ona görə həvəsdən düşməyək".
